اهمال المشاعر

انا كل ما اقرب منك بتوهه بينا المواعيد
ولا عمرى استغنيت عنك ولا رحت لحب جديد
وبكل شعورى بحبك وشعورك عنى بعيد
خايفة تعيشى فى دنيتى ليه ولا شعورك نحيتى ايه ؟
انتى صحيح جربتى الحب انتى صحيح تعرفى اوصافه
ما هو فى غيرك مليون قلب من سيرة العاشقين بيخافوا
مالك عايشة فى جو حزين مالك اسية على العاشقين
ليه تنكرى دقات القلب ليه تهزى من صورة الحب
لا ارجوكى كفاية تحدى لا انا قدك ولا قلبك قدى
انتى عايشة فى برج عالى اعلى من قمر الليالى
عايزة قلب جديد وغايب قلب من غير ذكريات
بس انا ليه حكايات ليه ماضى وذكريات
وبحلفلك ان انا من يوم ما عشقتك انتهى كل اللى فات
كل شىء قبلك نسيته كل ذكرى تنحرق
من النهاردة عشان جرحتك جاية تقولى نفترق
هو معقول نفترق ؟
جتلك مادد ايدى مسلم زى الطفل اللى بيتعلم
جتلك اصالح قلبى مسامح جيت لعنيكى اسير ومسلم
جيت ارتاح من الدنيا شوية بعد ماطال بيه المشوار
ولقيت ايدك جوه ايديه زى التلج فى وسط النار
انا ايه بالنسبالك قولى انا ايه بالنسبالك؟
انا يام حاولت احكيلك واقرب منك اكتر وبشوق العمر بجيلك
وياريت حبى بيتقدر قولت عن الحب كتير وهقولك لسه كتير
بس اللى بقوله امبارح ليه بكرة مالوش تاثير
فى النهاية عايزة اقولك انتى تهتى معايا اوى
اصل ادم هو ادم مهما كان سحرك يا حوا
قوتك ساكنة فى عنيكى بس قوة قلبى اقوى
ممكن بحبك تغلبينى بس لو حبتينى بجد
بس برضه باعترافى انتى سحرك شىء ارادى
صعب يهرب منه حد مستحيل استغنى عنك
بعد ما عشقتك بجد
بعد ما عشقتك بجد